Atività pa'l ricupero de le tradisiòn
In 'sta pagina vien con poche paroe riasuntà le atività che da ani la nostra asociasiòn fa con suceso in t'el canpo de le tradisiòn popolari. Le xe:
- Riserche storiche e linguistiche
- Ristauro e ricostrusiòn de strumenti musicaj
- Ricupero de canti e musiche tradisiònaj
- Danse popolaj
- Publicasiòn
Riserche storiche e linguistiche
Tra le atività pì inportanti che da sempre caraterixa la nostra asociasòn, ghe xe le numerose riserche in t'el canpo storico,
in particolar el piriòdo precristian, midioeval e queo de l'imperatore Fransesco Giusepe d'Asburgo.
Xe anca mesa atensiòn al canpo artistico (en particolar a la pitura), a la leteratura (par primo Dante), a la sinbologia e a
l'araldica, ma anca a lo studio de astri e dei so moti.
'Ste riserche ga le funsiòn de documentar la storia dei cimbri (in particolar le so migrasiòn e le so usanse in tempi tanto
antichi), de far ciaro su serti momenti storici scuri e confusi, de divulgar le conosense studià e inparà.
Noantri no semo risercatori universitari o storici de gran lustro, ma semo jente appassionà che serca el piaxer de la
conosensa storica e che ga la voja de portar, con umiltà, el so contributo a la verità de le visende passà.
Xe anca mesa atensiòn al canpo artistico (en particolar a la pitura), a la leteratura (par primo Dante), a la sinbologia e a
l'araldica, ma anca a lo studio de astri e dei so moti.
L'asociasiòn se inpegna 'nca nel canpo linguistico col ricupero e la pratica (par quanto ne xe posibile) de la lingua cimbra e del diaeto veneto, con riserche so la toponomastica de posti de'a nostra vale e de'a tera cimbra, co'l studio de parlate e lingue vecie e antiche e diaeti de isole linguistiche (come par 'xempio el ladin o el vecio ositàn) e co'l studio de cognomi.
Ristauro e ricostrusiòn de strumenti musicaj
Un de' obietivi fin da la nasita de'a nostra asociasiòn xe sta' queo de ricuperar, ricostruir e ristaurar i strumenti musicaj che varda la tradisiòn musicae dei cimbri, 'nando dal midioevo al secolo passà. El material ricuperà fin deso xe vasto e de inpresionante 'nterese musicologico, e gavemo anca diversi projeti in laoro par ricostruir certi strumenti musicaj che i xe 'nà persi ma i ga el so riscontro in tanta e tanta documentasiòn e fonti scrite o figurative.
Ricupero de canti e musiche tradisiònaj
Al fin de dar valor e tramandar el patrimonio musicae cimbro e veneto (ma anca queo de altre xone europee ligà, sia par cultura sia soto el profil storico, a queo de'a nostra tera), l'asociasiòn risèrca e ricupera musiche tradizionaj canti popolari. 'Ste riserche xe portà vanti anca grasie al confronto de material ricuperà da altri risercatori ch'i opera in t'el isteso canpo.
Danse popolari
Da ani l'asociasiòn se dedica a ricupero e 'nsegnamento de danse tradizionaj, al fin de difondere on patrimonio culturae che rìscia d'eser dismentegà.
De tanto en tanto vien fato in sede, de' incontri e seminari dove la nostra asociasiòn 'nsegna le danse tradisiònaj, ricuperà in t'el corso dei ani, a tuti quei che volese eser pì visini al meravijoso mondo d'el balo tradisiònae. La conosensa de 'ste danse xe 'nca el fruto de le riserche conpìe d'altre asociasiòn e grupi folkloristici de'a nostra tera (serti de questi i xe segnalà ne'a sesiòn dei links.
Pubblicasiòn
Par deso l'asociasiòn no ga 'ncora publicà nisun dei so libri e cd (che i xe par eser finij en 'sti mesi). Tra i projeti in laoro ghe xe la creasiòne d'on vocabolario cimbro-italian e italian-cimbro (comparà par di pì co'l tedesco), 'n libro che parla de'a nostra valata, 'n libro che spiega serti nomi de posti, 'n libro su cognomi cimbri e sol so significato, e par finir la stampa d'on cd, coe musiche de' nostro grupo.
