El bagatèl veronese
El bagatèl l'è na cornamusa, e precisamente l'è na piva,
le cui origini antichisime le se perde nela note dei tempi.
Le prime testimonianse del nome de sto strumento le se pol catàr
in alcuni antichi manoscritti che i risàl al 1400, nei quali se parla del so uso
durante il periodo del carnevàl.
Dale nostre ricerche podemo afermàr che sto strumento l'era sicuramente difuso nelle nostre valli e pì in general nela tera cimbra. Infatti avemo racolto numerosissime testimonianse de molti ansiani che i se ricorda l'attividà dei zampognari provenienti dale montagne nostrane nel periodo natalisio; inoltre gh'è da dir che i è molte le fonti iconografiche che le rafigura sto strumento come ad esempio i affreschi e i dipinti presenti in molte chiese (pì o men antiche) dela nostra tera nei quali se pol ammiràr grasiosi angioleti intenti a sonàr. Par de più anca ancò l'è diffuso a Verona el cognome Piva.
Purtroppo non avemo fonti direte dalle quali podèr attingere el repertorio par bagatèl dato che tal strumento l'è cadudo in disuso e non semo riusidi a catàr nessun sonadòr de bagatel autoctono.
Altri riferimenti a tal strumento li aavemo catè (in un'instancabile attividà de ricerca in bibilioteche e collesioni privè) in antichi manoscriti, e in alcune poesie come ad esempio "Voi ch ascoltate delle pive il suono" tratto da un sonetto del Canzoniere di Petrarca (el qual, lo ricordemo, l'ha soggiornà par un lungo periodo a Verona), e nel seguente sonetto del rustego (cioè semplice) poeta veronese Giorgio Sommariva (1400) nel qual vièn narrada la storia de na contadinela che racconta ala madre l'avventura di essere stata assalita dal fiòl del conte (o del paròn):
- E si disea: Mo feve un poco in sa.
- E mi me ghe mostrava tuta schiva.
- E el me volea casar pur sù la
piva , - lì de drè,..., da la riva d'un fossà
