El Kantele
Se trata de no stromento ch'el risal al Alto Medioevo e che ghe somèia al salterio, che l'è arrivà in Valpantena e in Lessinia dopo l'emigrasiòn dela popolasiòn cimbra dal sud dela Francia, avvenua nela seconda metà del secolo trèdese.
Gh'è alcuni libri del conte Arrigo Balladoro (che l'era un gran etnografo e folklorista veronese) andoe se cata dei riferimenti a molti strumenti antichi tra cui anche a questo che l'è definìo "eterico" cioè adatto ala meditasiòn, el qual l'era formado da dele corde de budel e da na cassa de risonansa che la se differensia da quela del kantèl da noi altri ricostruido par l'averghe sinque corde par far la melodia ansichè dodese.
L'è costruido in legno de rovere con rifiniture che le rispeta l'originàl. El colòr dela taola frontàl, l'aranso, el deriva dala conchiglia dela Capasanta che la rapresenta el simbolo dei pelegrini lungo el camin de Santiago de Campostela.
L'associasiòn la stà realixando copia de tuta la fameia dei kanteli, composta oltre al'attuàl elemento ad accordatura "media", anca da quei ad accordatura "grave" e "acuta".
Secondo Fausto Albertini el principio de sto strumento l'è la congiunsiòn, nela simbologia dei Panganoti Cimbri, tra l'acqua e el fogo, tra la purificasiòn e el sacrificio (gh'è da ricordàr che i Panganoti i era figure sciamaniche).
